நீ அழித்திடும் கடலோ?

தமிழரின் மூத்த குடியை அன்று
குமரியில் மென்ற கடலே இன்னும்
உமிழ்கின்றாய் உந்தன் அலையை மீண்டும்
உலுக்கின்றாய் எங்கள் உயிரை நீ
தமிழினில் கொண்ட அன்போ இல்லை
தமிழினை உண்ட தெண்போ எங்கும்
அமிழ்த்திடபொங்குகின்றாய் நீ
அழித்திடும் கடலோ சொல்லு?

உயிரினம் பலது உன்னைப் பெரும்
உறைவிட மாக்கி வாழ நீ
உயிர்களைக் கொல்லும் அலையைப் பூத
உருக்கொண்டு பெருக்கியதேனோ மனிதப்
பயிர்களைக் கொன்றுதானோ உந்தன்
பசிதனைப் போக்கல் வேண்டும்? இந்த
உயிர்களைப் படைத்த இறையே! உனது
விழிகள்தான் குருடோ சொல்லு?